Janata Varadhi Program: విజయవాడలో ప్రజా సమస్యల పరిష్కారానికి బీజేపీ ముందడుగు
ప్రజలు ఎదుర్కొంటున్న సమస్యలను నేరుగా అధికారుల దృష్టికి తీసుకెళ్లి పరిష్కారం లభించేలా విజయవాడలో బీజేపీ రాష్ట్ర అధ్యక్షులు శ్రీ మాధవ్ గారి ఆధ్వర్యంలో ‘జనతా వారధి’ కార్యక్రమం ప్రారంభమైంది.
ఈ కార్యక్రమంలో భాగంగా బీజేపీ రాష్ట్ర కార్యాలయం నుంచి ఎన్టీఆర్ జిల్లా కలెక్టరేట్ వరకు నాయకులు, కార్యకర్తలతో కలిసి పాదయాత్ర నిర్వహించారు. జిల్లాలో ప్రజలు ఎదుర్కొంటున్న వివిధ సమస్యలను అధికారులకు వివరించి, తక్షణ పరిష్కార చర్యలు తీసుకోవాలని డిమాండ్ చేశారు.
ఈ సందర్భంగా మాధవ్ గారు మాట్లాడుతూ, ప్రజా సమస్యల పరిష్కారమే బీజేపీ ప్రధాన లక్ష్యమని, ప్రజల తరఫున నిరంతరం పోరాటం చేస్తామని స్పష్టం చేశారు. ప్రజలకు పాలన మరింత దగ్గర కావాలన్న ఉద్దేశంతోనే జనతా వారధి కార్యక్రమాన్ని చేపట్టామని తెలిపారు.
బీజేపీ చేపట్టిన ఈ కార్యక్రమానికి ప్రజల నుంచి మంచి స్పందన లభించగా, ప్రజాస్వామ్య పద్ధతిలో సమస్యల పరిష్కారానికి ఇది ఒక బలమైన వేదికగా మారుతుందని నాయకులు అభిప్రాయపడ్డారు.
మరిన్ని Andhra Pradesh Politics వార్తల కోసం ఇక్కడ క్లిక్ చేయండి.
