Nadikudi Srikalahasti Railway Line: రైలు వచ్చిందంటే అభివృద్ధి వచ్చినట్టే: నడికుడి–శ్రీకాళహస్తి కొత్త రైల్వే లైన్తో ప్రాంతీయ రూపురేఖల మార్పు
అమరావతి: దశాబ్దాలుగా ప్రజలు ఎదురు చూసిన కల ఇప్పుడు పట్టాలపై పరుగులు తీస్తోంది. 309 కిలోమీటర్ల నడికుడి–శ్రీకాళహస్తి కొత్త రైల్వే లైన్ ప్రాజెక్ట్తో అనేక గ్రామాల ఆశలు సాకారం అవుతున్నాయి. అభివృద్ధికి రైల్వే కీలకమని మరోసారి నిరూపిస్తూ, కేంద్రంలోని మోదీ ప్రభుత్వం ఈ కీలక మౌలిక సదుపాయాన్ని ముందుకు తీసుకువెళ్తోంది.
ఈ ప్రాజెక్టులో ఇప్పటికే 88.65 కిలోమీటర్ల రైల్వే లైన్ పనులు పూర్తవ్వడం విశేషం. దీంతో
దర్సి, పొదిలి, కనిగిరి, ఆత్మకూరు, రాపూరు వంటి ప్రాంతాలు ఇప్పుడు భారత రైల్వే మ్యాప్పై గర్వంగా నిలుస్తున్నాయి.
కొత్త రైల్వే లైన్ ద్వారా ప్రయాణ సౌకర్యమే కాకుండా, వాణిజ్యం, వ్యవసాయ ఉత్పత్తుల రవాణా, ఉపాధి అవకాశాలు మరింతగా పెరగనున్నాయి. ఈ ప్రాజెక్టు వల్ల వెనుకబడిన ప్రాంతాల్లో ఆర్థిక చైతన్యం వస్తుందని నిపుణులు అభిప్రాయపడుతున్నారు.
“మోదీ ప్రభుత్వం పట్టాలు వేసింది రైలుకే కాదు… బంగారు భవిష్యత్తుకి” అనే నినాదానికి అనుగుణంగా ఈ రైల్వే ప్రాజెక్టు ఆంధ్రప్రదేశ్ అభివృద్ధిలో కీలక మైలురాయిగా నిలవనుంది.
మరిన్ని Andhra Pradesh Politics వార్తల కోసం ఇక్కడ క్లిక్ చేయండి.
