Flamingo Festival: ఫ్లెమింగో ఫెస్టివల్కు ఉప ముఖ్యమంత్రి పవన్ కళ్యాణ్కు ఆహ్వానం
రాష్ట్ర ఉపముఖ్యమంత్రి శ్రీ పవన్ కళ్యాణ్ గారిని తిరుపతి జిల్లా సూళ్లూరుపేట శాసన సభ్యురాలు శ్రీమతి నెలవల జయశ్రీ గారు కలిశారు. గురువారం మధ్యాహ్నం ఉప ముఖ్యమంత్రి క్యాంపు కార్యాలయంలో జరిగిన ఈ సమావేశానికి సూళ్లూరుపేట నియోజకవర్గానికి చెందిన పలువురు నాయకులు కూడా హాజరయ్యారు.
ఈ సందర్భంగా ఈ నెల 10, 11 తేదీల్లో సూళ్లూరుపేటలో నిర్వహించనున్న ప్రతిష్టాత్మక ‘ఫ్లెమింగో ఫెస్టివల్’కు హాజరుకావాలని ఉప ముఖ్యమంత్రి పవన్ కళ్యాణ్ గారిని ఎమ్మెల్యే నెలవల జయశ్రీ గారు ఆహ్వానించారు. ఈ కార్యక్రమానికి సంబంధించిన అధికారిక ఆహ్వాన పత్రికను కూడా ఆమె అందజేశారు.
సూళ్లూరుపేట ప్రాంతంలో పర్యాటకాభివృద్ధికి, పక్షి సంరక్షణపై అవగాహన పెంపొందించేందుకు ఫ్లెమింగో ఫెస్టివల్ ఎంతో కీలకమని ఈ సందర్భంగా నాయకులు వివరించారు. ఉప ముఖ్యమంత్రి హాజరు ఈ కార్యక్రమానికి మరింత ప్రాధాన్యత తీసుకొస్తుందని వారు అభిప్రాయపడ్డారు.
మరిన్ని Andra Pradesh News వార్తల కోసం ఇక్కడ క్లిక్ చేయండి.
