Women’s Empowerment Committee: దగ్గుబాటి పురందేశ్వరి
తిరువనంతపురం: మహిళల ఆర్థిక–సామాజిక సాధికారతపై దృష్టి సారిస్తూ మహిళా సాధికారతపై పార్లమెంటరీ కమిటీ (Women’s Empowerment Committee)ఈ రోజు తిరువనంతపురంలో కీలక సమావేశం నిర్వహించింది. ఈ సమావేశానికి కమిటీ సభ్యురాలు దగ్గుబాటి పురందేశ్వరి పాల్గొన్నారు.
ఈ సందర్భంగా SBI, IOB, యూనియన్ బ్యాంక్ ఆఫ్ ఇండియా, ఇండియన్ బ్యాంక్, కెనరా బ్యాంక్ ప్రతినిధులతో పాటు స్వయం సహాయక సంఘాలు (SHGs), ఆర్థిక మంత్రిత్వ శాఖ మరియు గ్రామీణాభివృద్ధి మంత్రిత్వ శాఖ అధికారులతో పరస్పర చర్చలు జరిగాయి.
మహిళా స్వయం సహాయక సంఘాల పనితీరు, రుణాల ప్రాప్తి, ఆర్థిక సహకారం, ఉపాధి అవకాశాల సృష్టిలో SHGs పోషిస్తున్న పాత్రపై సమగ్ర సమీక్ష నిర్వహించారు. ముఖ్యంగా గ్రామీణ ప్రాంతాల్లో మహిళలు స్వయం ఉపాధి ద్వారా ఆర్థికంగా నిలదొక్కుకోవడంలో SHGs కీలకంగా మారాయని కమిటీ అభిప్రాయపడింది.
మహిళల సాధికారతకు బ్యాంకింగ్ వ్యవస్థ, ప్రభుత్వ పథకాలు మరింత సమన్వయంతో పనిచేయాల్సిన అవసరం ఉందని చర్చలో నొక్కిచెప్పారు. రాబోయే రోజుల్లో మహిళల ఆర్థిక స్వావలంబన కోసం విధానపరమైన మార్పులు, కొత్త అవకాశాలు కల్పించాల్సిన అవసరముందని కమిటీ సభ్యులు సూచించారు.
ఈ సమావేశం మహిళా సాధికారత దిశగా కీలక సూచనలు ఇచ్చినదిగా భావిస్తున్నారు.
మరిన్ని Andra Pradesh News వార్తల కోసం ఇక్కడ క్లిక్ చేయండి.
