Allagadda Sankranti Celebrations: ఆళ్లగడ్డలో అంబరాన్నంటిన సంక్రాంతి సంబరాలు
గాలిపటాల పోటీల్లో యువత ఉత్సాహం చూడముచ్చటగా ఉంది: భూమా అఖిలప్రియ రెడ్డి
ఆళ్లగడ్డ: ఆళ్లగడ్డ పట్టణంలో సంక్రాంతి పండుగ సంబరాలు అంబరాన్నంటాయి. ఎద్దుల పాపమ్మ కాలేజీ గ్రౌండ్లో నిర్వహించిన గాలిపటాల పోటీల్లో 100 మందికి పైగా యువతీ యువకులు అత్యంత ఉత్సాహంగా పాల్గొని పండుగ వాతావరణాన్ని మరింత రసవత్తరంగా మార్చారు.
ఈ గాలిపటాల పోటీలను భూమా అఖిలప్రియ రెడ్డి గారు మరియు భార్గవ్ రామ్ గారు స్వయంగా వీక్షించారు. పోటీల్లో గెలుపొందిన విజేతలకు బహుమతులు అందజేసి వారిని అభినందించారు.
ఈ సందర్భంగా భూమా అఖిలప్రియ రెడ్డి గారు మాట్లాడుతూ, పోటీల్లో పాల్గొన్న ప్రతి ఒక్కరిలో కనిపించిన ఉత్సాహం, ఆనందం తన సొంత కుటుంబ సభ్యులతో కలిసి పండుగ జరుపుకున్న అనుభూతిని కలిగించిందని అన్నారు. గత రెండు రోజులుగా ప్రజలు చూపిస్తున్న ప్రేమానురాగాలే తనకు కొండంత బలమని తెలిపారు.
రాబోయే రోజుల్లో కూడా మన సంప్రదాయ పండుగలు, గ్రామీణ క్రీడలు, సాంస్కృతిక కార్యక్రమాలను మరింత పెద్ద ఎత్తున, ఘనంగా నిర్వహించి, యువతను ఈ సంప్రదాయాల వైపు ఆకర్షించాల్సిన అవసరం ఉందని ఆమె పిలుపునిచ్చారు.
స్థానిక ప్రజలు, యువత పెద్ద సంఖ్యలో పాల్గొని ఈ కార్యక్రమాన్ని విజయవంతం చేశారు.
మరిన్ని Andra Pradesh News వార్తల కోసం ఇక్కడ క్లిక్ చేయండి.
