జనగాం జిల్లా: గ్రామ పంచాయతీ ఎన్నికలు – నిశ్శబ్ద కాలం అమలు

Gram Panchayat Elections:  – జిల్లా ఎన్నికల అధికారి ప్రకటన

గ్రామ పంచాయతీ ఎన్నికలు 11.12.2025 (గురువారం) న జనగాం జిల్లాలోని పలు ప్రాంతాల్లో నిర్వహించబడనున్న నేపథ్యంలో, తెలంగాణ రాష్ట్ర ఎన్నికల సంఘం జారీ చేసిన మార్గదర్శకాలు మరియు తెలంగాణ పంచాయతీ రాజ్ చట్టం, 2018 లోని సెక్షన్–214 ప్రకారం నిశ్శబ్ద కాలం (Silence Period) అమలుపై కింది విధంగా ఉత్తర్వులు జారీ చేయడమైనది.

రెఫరెన్సులు:

1. TSEC ఉత్తర్వులు నెం. 1031/TSEC–L/2019, తేది 07.02.2019

2. TSEC ఉత్తర్వులు నెం. 914/TSEC–L/2023, తేది 01.12.2023

3. తెలంగాణ పంచాయతీ రాజ్ చట్టం, 2018 – సెక్షన్ 214

నిశ్శబ్ద కాలం (Silence Period) – అమలులో ఉండే సమయం

09.12.2025 (మంగళవారం) సాయంత్రం 5:00 గంటల నుండి
11.12.2025 (గురువారం) మధ్యాహ్నం 1:00 గంటల వరకు

పోలింగ్‌ ముగింపు సమయానికి 44 గంటల ముందు నుండే నిశ్శబ్ద కాలం అమల్లోకి వస్తుంది.

నిశ్శబ్ద కాలంలో నిషేధిత కార్యకలాపాలు

నిశ్శబ్ద కాలంలో సంబంధిత పోలింగ్ ప్రాంతాల్లో కింది కార్యకలాపాలు పూర్తిగా నిషేధించబడినవి:

1. బహిరంగ ప్రచారం నిషేధం

• బహిరంగ సభలు, సమావేశాలు, ర్యాలీలు, ఊరేగింపులు నిర్వహించరాదు.

 2. ఎలక్ట్రానిక్/డిజిటల్ మీడియా ప్రచారం నిషేధం

• సినిమా, టెలివిజన్, రేడియో, సోషల్ మీడియా, OTT, మొబైల్ యాప్‌ల ద్వారా ప్రచారం చేయరాదు.

 3. వినోద కార్యక్రమాల ద్వారా ప్రచారం నిషేధం

• సంగీత, నాటక, నృత్య, వినోద కార్యక్రమాల రూపంలో ప్రచారం చేయడం పూర్తిగా నిషిద్ధం.

చట్టపరమైన చర్యలు

నిశ్శబ్ద కాలం ఉల్లంఘించిన పక్షంలో
తెలంగాణ పంచాయతీ రాజ్ చట్టం, 2018 – సెక్షన్ 214(2) ప్రకారం సంబంధిత వ్యక్తులు లేదా సంస్థలపై చట్టపరమైన చర్యలు తీసుకోబడును.

అధికారులకు సూచనలు

జనగాం జిల్లాలోని అన్ని సంబంధిత అధికారులు:

• ఈ ఆదేశాలను కఠినంగా అమలు చేయాలి

• పోలింగ్ ప్రాంతాల్లో పరిస్థితులను నిశితంగా పర్యవేక్షించాలి

• నిశ్శబ్ద కాలం ఉల్లంఘనలను వెంటనే నమోదు చేసి చర్యలు తీసుకోవాలి

మరిన్ని Latest News వార్తల కోసం ఇక్కడ క్లిక్ చేయండి.