Lantana Elephants: నీలగిరి గూడలూరు పొగమంచు కొండల నుంచి చెన్నై తీరాల వరకు సుదూర ప్రయాణం చేసిన లాంటానా ఏనుగులు మరోసారి ప్రజల ముందుకు వచ్చాయి. అడవుల జీవ వైవిధ్యానికి ముప్పుగా మారిన లాంటానా అనే కలుపు మొక్కతో స్థానిక గిరిజన కళాకారులు తయారు చేసిన ఈ అద్భుతమైన ఏనుగులు, ఇప్పుడు పర్యావరణ వ్యవస్థ పునరుద్ధరణకు ప్రతీకలుగా నిలుస్తున్నాయి.
అడవుల్లో విస్తరిస్తున్న లాంటానా మొక్కను తొలగిస్తూ, దానిని కళారూపంగా మలచిన ఈ ప్రయత్నం పర్యావరణ పరిరక్షణతో పాటు గిరిజన కళకు గౌరవం చెల్లించే వినూత్న చొరవగా నిలిచింది. నీలగిరి ప్రాంతంలోని అడవుల నుంచి చెన్నై నగరానికి చేరుకున్న ఈ ఏనుగులు, పర్యావరణ పరిరక్షణపై ప్రజల్లో అవగాహన కల్పించే దృశ్యప్రతీకలుగా మారాయి.
పొంగల్ పండుగ సెలవుల సందర్భంగా చెన్నై మెరీనా బ్లూ బీచ్లో ఏర్పాటు చేసిన ఈ లాంటానా ఏనుగులు సందర్శకులను విశేషంగా ఆకర్షిస్తున్నాయి. పర్యాటకులు, నగరవాసులు వీటిని చూసి పర్యావరణ పరిరక్షణ అవసరాన్ని గుర్తు చేసుకుంటున్నారు.
ఈ కార్యక్రమాన్ని విజయవంతం చేసిన చెన్నై కార్పొరేషన్, కేజీబీఏఐఎస్ సంస్థలకు నిర్వాహకులు కృతజ్ఞతలు తెలిపారు. లాంటానా నిర్మూలన, జీవవైవిధ్య పరిరక్షణ, గిరిజన జీవనోపాధి అభివృద్ధి లక్ష్యాలతో చేపట్టిన ఈ చొరవ, దేశవ్యాప్తంగా ఆదర్శంగా నిలుస్తోందని పర్యావరణ వేత్తలు అభిప్రాయపడుతున్నారు.
మరిన్ని National News వార్తల కోసం ఇక్కడ క్లిక్ చేయండి.
