End of Dhanurmasam:తిరుపతిలో ఘనంగా శ్రీ గోదాకల్యాణం – ధనుర్మాసం కార్యక్రమాలు ముగింపు
తిరుపతి: ధనుర్మాసం ముగింపు సందర్భంగా తిరుపతిలోని అన్నమాచార్య కళామందిరంలో బుధవారం శ్రీ గోదాకల్యాణం ఘనంగా నిర్వహించారు. తిరుమల తిరుపతి దేవస్థానాలు (టీటీడీ) ఆల్వార్ దివ్యప్రబంధ ప్రాజెక్టు ఆధ్వర్యంలో ఈ కార్యక్రమం భక్తిశ్రద్ధలతో జరిగింది.
ఈ సందర్భంగా నెలరోజుల పాటు నిర్వహించిన తిరుప్పావై ప్రవచనాలు కూడా విజయవంతంగా ముగిశాయి. తిరుప్పావై పాశురాల మహాత్మ్యం, వాటి ఆధ్యాత్మిక ప్రాధాన్యతను ప్రవచనకర్తలు భక్తులకు వివరించారు. భక్తులు పెద్ద సంఖ్యలో హాజరై ఈ కార్యక్రమాన్ని తిలకించారు.
శ్రీ గోదాదేవి కల్యాణాన్ని శాస్త్రోక్తంగా నిర్వహించడంతో అన్నమాచార్య కళామందిరం భక్తి వాతావరణంతో అలరరించింది. వేద మంత్రోచ్చారణలు, భజనలు, దివ్యప్రబంధ గానాలతో కార్యక్రమం ఆధ్యాత్మిక శోభను సంతరించుకుంది.
టీటీడీ ఆధ్వర్యంలో నిర్వహించిన ధనుర్మాస కార్యక్రమాలు భక్తుల్లో భక్తి భావాన్ని మరింత బలపరచాయని అధికారులు తెలిపారు. భవిష్యత్తులో కూడా ఇలాంటి ఆధ్యాత్మిక కార్యక్రమాలను మరింత విస్తృతంగా నిర్వహించనున్నట్లు వారు వెల్లడించారు.
ఈ కార్యక్రమంలో టీటీడీ అధికారులు, ఆల్వార్ దివ్యప్రబంధ ప్రాజెక్టు సభ్యులు, పండితులు మరియు అనేక మంది భక్తులు పాల్గొన్నారు.
మరిన్ని National News వార్తల కోసం ఇక్కడ క్లిక్ చేయండి.
