BJP vote theft allegations: ఇది ఒక్క నాయకుడి సమస్య కాదు.. యావత్ భారత జాతి అస్థిత్వ ప్రశ్న
దేశంలో బీజేపీ సాగిస్తున్న ఓటు చోరీ ప్రయత్నాలు (BJP vote theft allegations)కేవలం ఒక రాజకీయ పార్టీ లేదా ఒక నాయకుడి సమస్య కాదని, ఇది భారత ప్రజాస్వామ్య వ్యవస్థకే ముప్పుగా మారిందని కాంగ్రెస్ నేతలు తీవ్రంగా విమర్శిస్తున్నారు. ఓటు హక్కును బలహీనపరిచే ప్రయత్నాల ద్వారా దేశ ప్రజల సర్వ హక్కులను హరించేందుకు బీజేపీ కుట్ర చేస్తోందని వారు ఆరోపిస్తున్నారు.
ఓటు హక్కుపై ఆర్ఎస్ఎస్ పాత ఆలోచనలే మళ్లీ అమలు?
రాజ్యాంగ సభ రోజుల నుంచే ఆర్ఎస్ఎస్కు ప్రజాస్వామ్యంపై వ్యతిరేక ధోరణి ఉందని కాంగ్రెస్ గుర్తుచేస్తోంది. దళితులు, ఆదివాసీలు, మైనారిటీలకు ఓటు హక్కు అవసరం లేదని అప్పట్లో ఆర్ఎస్ఎస్ నేత గోల్వాల్కర్ రాజ్యాంగ సభలో వాదించిన విషయాన్ని నేతలు ప్రస్తావిస్తున్నారు. అయితే గాంధీజీ, డాక్టర్ బీఆర్ అంబేద్కర్ గట్టిగా నిలబడి ప్రతి భారత పౌరుడికి ఓటు హక్కు కల్పించాలని పట్టుబట్టారని పేర్కొన్నారు.
మోదీ–అమిత్ షాల పాలనలో గోల్వాల్కర్ భావజాలం?
ఇప్పుడీ గోల్వాల్కర్ ఆలోచనలనే ప్రధాని నరేంద్ర మోదీ, హోంమంత్రి అమిత్ షా అమలు చేయాలని చూస్తున్నారని కాంగ్రెస్ ఆరోపిస్తోంది. ఓటర్ల జాబితాల్లో అక్రమాలు, ఓటు హక్కును కోల్పోయేలా చేసే చర్యలు, ఎన్నికల వ్యవస్థను బలహీనపరిచే ప్రయత్నాలు ఇందుకు నిదర్శనమని పేర్కొంటున్నారు.
ఖర్గే–రాహుల్ గాంధీ పోరాటానికి తెలంగాణ మద్దతు
బీజేపీ కుట్రలను అడ్డుకునేందుకు కాంగ్రెస్ జాతీయ అధ్యక్షుడు మల్లికార్జున ఖర్గే, లోక్సభ ప్రతిపక్ష నేత రాహుల్ గాంధీ ముందుండి పోరాటం చేస్తున్నారని కాంగ్రెస్ శ్రేణులు చెబుతున్నాయి. ఓటు హక్కు పరిరక్షణ కోసం దేశవ్యాప్తంగా ఉద్యమాన్ని నిర్మిస్తున్నారని వెల్లడించారు.
దళితులు, ఆదివాసీలు, మైనారిటీలు, పేద ప్రజల హక్కులను కాపాడే ఈ పోరాటానికి తెలంగాణ సంపూర్ణంగా అండగా నిలుస్తుందని స్పష్టం చేశారు. ప్రజాస్వామ్య విలువలను కాపాడటం కోసం ప్రతి ఒక్కరూ ఐక్యంగా నిలవాల్సిన అవసరం ఉందని కాంగ్రెస్ నేతలు పిలుపునిచ్చారు.
మరిన్ని National News వార్తల కోసం ఇక్కడ క్లిక్ చేయండి.
