Jaipal Reddy Tribute: స్వర్గీయ సూదిని జైపాల్ రెడ్డి జయంతి సందర్భంగా ఘన నివాళి
హైదరాబాద్: రాజకీయాలకు విలువలు, ప్రజాసేవకు నిస్వార్థతే పరమార్థమని చాటిచెప్పిన తెలంగాణ ముద్దుబిడ్డ, స్వర్గీయ సూదిని జైపాల్ రెడ్డి గారి జయంతి సందర్భంగా ముఖ్యమంత్రి శ్రీ ఏ. రేవంత్ రెడ్డి గారు నెక్లెస్ రోడ్డులోని స్ఫూర్తిస్థల్ వద్ద ఘన నివాళులు అర్పించారు.
ఈ సందర్భంగా సహచర నాయకులతో కలిసి జైపాల్ రెడ్డి గారి విగ్రహానికి పుష్పాంజలి సమర్పించి, ఆయన చేసిన సేవలను స్మరించుకున్నారు. తెలంగాణ రాష్ట్ర ఆవిర్భావ ప్రక్రియలో తన చాణక్య నీతి, రాజకీయ దూరదృష్టితో కీలక పాత్ర పోషించిన జైపాల్ రెడ్డి గారు ప్రజాజీవితంలో చెరగని ముద్ర వేశారని ముఖ్యమంత్రి పేర్కొన్నారు.
నిస్వార్థ ప్రజాసేవ, రాజకీయ విలువల పరిరక్షణలో జైపాల్ రెడ్డి గారు ఆదర్శప్రాయంగా నిలిచారని, ఆయన ఆశయాలను కొనసాగించడమే నిజమైన నివాళి అని ఈ సందర్భంగా అన్నారు.
మరిన్ని Telangana News వార్తల కోసం ఇక్కడ క్లిక్ చేయండి.
