HICC Medical Conference: 500+ కార్డియాలజిస్టుల సమక్షంలో సీఎం ప్రసంగం
హైదరాబాద్లోని హెచ్ఐసీసీ (HICC)లో నిర్వహించిన ఫెలోస్ ఇండియా కాన్ఫరెన్స్లో ముఖ్య అతిథిగా పాల్గొనడం ఆనందంగా ఉందని ముఖ్యమంత్రి తెలిపారు. భారత్తో పాటు ఆగ్నేయాసియా దేశాల నుంచి 500 మందికి పైగా ప్రముఖ కార్డియాలజిస్టులు ఈ అంతర్జాతీయ సదస్సులో పాల్గొనడం సంతోషకరమన్నారు.
ఈ సందర్భంగా ముఖ్యమంత్రి మాట్లాడుతూ, “నేను డాక్టర్ను కాకపోయినా, ముఖ్యమంత్రిగా సమాజంలో ఉన్న రుగ్మతలను పరిష్కరించడంలో నా పాత్ర కూడా ఒక డాక్టర్లాంటిదే. ప్రజల సమస్యలకు చికిత్స చేయడమే మా ప్రభుత్వ లక్ష్యం” అని పేర్కొన్నారు. ఇలాంటి అంతర్జాతీయ స్థాయి వైద్య సదస్సు హైదరాబాద్లో జరగడం రాష్ట్రానికి గర్వకారణమని అన్నారు.
లైఫ్ సైన్సెస్, ఫార్మా, హెల్త్కేర్ మరియు అనుబంధ రంగాలలో ఆవిష్కరణల కేంద్రంగా హైదరాబాద్ వేగంగా ఎదుగుతోందని ముఖ్యమంత్రి తెలిపారు. ప్రజల ఆరోగ్య సంరక్షణకు తమ ప్రభుత్వం అత్యంత ప్రాధాన్యతనిస్తోందని, ప్రజల ప్రయోజనాల కోసం ఆరోగ్య విధానాలను మరింత మెరుగుపరచేందుకు వైద్యులతో కలిసి పనిచేయడానికి ప్రభుత్వం ఎల్లప్పుడూ సిద్ధంగా ఉంటుందని స్పష్టం చేశారు.
మరిన్ని Telangana News వార్తల కోసం ఇక్కడ క్లిక్ చేయండి.
