CP Sajjanar Annual Crime Report: హైదరాబాద్ పోలీస్ కమిషనరేట్ వార్షిక నేర నివేదిక విడుదల
హైదరాబాద్ పోలీసు కమిషనరేట్ (Hyderabad Police Commissionerate) పరిధిలో నమోదైన నేరాలపై ఇవాళ సీపీ సజ్జనార్ (CP Sajjanar) వార్షిక నివేదికను విడుదల చేశారు. ఈ సందర్భంగా మీడియాతో మాట్లాడిన ఆయన కీలక విషయాలను వెల్లడించారు. 2024–2025 ఆర్థిక సంవత్సరంలో హైదరాబాద్ కమిషనరేట్ పరిధిలో నేరాలు సుమారు 15 శాతం మేర తగ్గినట్లు తెలిపారు.
దొంగల్లో భయం.. బయట రాష్ట్రాల గ్యాంగ్లకు దూరం
తెలంగాణలోకి ఇతర రాష్ట్రాల నుంచి దోపిడీ గ్యాంగ్లు రావాలంటేనే భయపడుతున్న పరిస్థితి ఏర్పడిందని సజ్జనార్ వ్యాఖ్యానించారు. నగరంలో ఎక్కడ దొంగతనం జరిగినా పోలీసులు తప్పకుండా పట్టుకుంటారనే నమ్మకం ప్రజల్లో, భయం దొంగల్లో ఏర్పడిందన్నారు. ఇదే నేరాల తగ్గుదలకు ప్రధాన కారణమని తెలిపారు.
సైబర్ క్రైమ్పై విస్తృత అవగాహన
సోషల్ మీడియా వేదికగా సైబర్ క్రైమ్పై ప్రజలకు పూర్తి అవగాహన కల్పిస్తున్నామని సీపీ తెలిపారు. ఫేక్ కాల్స్, ఆన్లైన్ మోసాలపై హెచ్చరికలు జారీ చేస్తూ, బాధితులకు త్వరితగతిన న్యాయం అందించేందుకు ప్రత్యేక చర్యలు తీసుకుంటున్నామని చెప్పారు.
ఎన్ఫోర్స్మెంట్ విభాగం కీలక పాత్ర
హైదరాబాద్ పోలీస్ ఎన్ఫోర్స్మెంట్ డిపార్ట్మెంట్ అత్యంత సమర్థంగా పనిచేస్తోందని సజ్జనార్ ప్రశంసించారు. ట్రాఫిక్ నియంత్రణ, డ్రంక్ అండ్ డ్రైవ్, అక్రమ కార్యకలాపాలపై కఠిన చర్యలే నగరంలో శాంతిభద్రతలకు బలంగా మారాయని తెలిపారు.
మరిన్ని Telangana News వార్తల కోసం ఇక్కడ క్లిక్ చేయండి.
