Nizamabad cannabis raid: నిజామాబాద్ గంజాయి ముఠా దాడిపై తెలంగాణ జాగృతి అధ్యక్షురాలు కల్వకుంట్ల కవిత వ్యాఖ్యలు
నిజామాబాద్: నిజామాబాద్లో గంజాయి ముఠా దాడిలో తీవ్రంగా గాయపడిన ఎక్సైజ్ కానిస్టేబుల్ సౌమ్యను మరియు ఆమె కుటుంబ సభ్యులను హైదరాబాద్లోని నిమ్స్ హాస్పిటల్లో పరామర్శించిన తెలంగాణ జాగృతి అధ్యక్షురాలు కల్వకుంట్ల కవిత గారు.
ఈ సందర్భంగా మీడియాతో మాట్లాడిన కవిత గారు, గంజాయి బ్యాచ్ కు ప్రభుత్వం భయం లేకపోవడం ఒక పెద్ద సమస్య అని పేర్కొన్నారు. డ్రగ్స్, గంజాయి నుంచి పూర్తిగా స్వచ్ఛంగా చేస్తామని హామీ ఇచ్చిన ప్రభుత్వం ఇప్పటికీ గ్రామ ప్రాంతాల్లో కూడా ఈ మత్తు పదార్థాలు సులభంగా లభిస్తున్నాయని ఆవేదన వ్యక్తం చేశారు.
స్కూల్లలో కూడా గంజాయి, డ్రగ్స్ ప్రవేశించి పిల్లలు బాధపడుతున్నందున ఇది సమాజానికి హానికరమని, ముఖ్యంగా మహిళలు దీని వల్ల ఎక్కువగా బాధితులవుతున్నారని చెప్పారు.
అంతేకాకుండా, గృహహింసకు కారణమైన కారణాల్లో కూడా డ్రగ్స్ మరియు గంజాయి పాత్ర ఉందని, ఈ సమస్యపై ప్రభుత్వం సత్వర చర్యలు తీసుకోవాలని కవిత గారు కోరారు.
అసలు పరిష్కారం కోసం ఎక్సైజ్, ఫారెస్ట్ సిబ్బందికి పూర్తి ఆయుధాలు మరియు గన్ ఫైరింగ్లో సరైన ట్రైనింగ్ ఇవ్వాలని, దీనివల్ల గంజాయి మాఫియాను నిషేధించడంలో అధికారులకు బలం చేకూరుతుందని ఆమె అభిప్రాయపడుతున్నారు.
మరిన్ని Telangana News వార్తల కోసం ఇక్కడ క్లిక్ చేయండి.
