Joint Nizamabad district tour: జనసేన పార్టీ విస్తరణ కార్యక్రమం | మచ్చ సుధాకర్
ఉమ్మడి నిజామాబాద్ జిల్లాలో జనసేన పార్టీ విస్తరణ కార్యక్రమంలో భాగంగా 12 జనవరి 2026న నిర్వహించిన జిల్లా పర్యటన విజయవంతంగా ముగిసింది. ఈ పర్యటనలో భాగంగా నిజామాబాద్ కార్పొరేషన్, ఆర్మూర్ మరియు కామారెడ్డి మున్సిపాలిటీల పరిధిలో పార్టీ కార్యకర్తలు, బాధ్యులతో సమన్వయ సమావేశాలు నిర్వహించారు.
నిజామాబాద్ కార్పొరేషన్ పరిధిలో శ్రీనివాస్, సంతోష్లతో సమావేశమై పార్టీ బలోపేతంపై చర్చించారు. ఆర్మూర్ మున్సిపాలిటీలో రమేష్, ఆరె ప్రవీణ్, సాయి రెడ్డి, రజనీకాంత్ గౌడ్, సురేష్, రాజేందర్ గౌడ్లతో కలిసి బూత్ స్థాయి నుంచి పార్టీని మరింత బలంగా తీసుకెళ్లే వ్యూహాలపై సమీక్ష నిర్వహించారు. కామారెడ్డి మున్సిపాలిటీ పరిధిలో దినేష్, మల్లేష్లతో పార్టీ విస్తరణ కార్యక్రమాలపై చర్చించారు.
ప్రతి చోటా పార్టీ పాయింట్ ఆఫ్ కాంటాక్ట్ (POC)లతో సమన్వయ సమావేశాలు నిర్వహించి, గ్రౌండ్ లెవల్లో జనసేన పార్టీని ప్రజల్లోకి మరింత చేరువ చేసే అంశాలపై విస్తృతంగా చర్చించారు. బూత్ స్థాయి నుంచి సంస్థను పటిష్టం చేయడం, యువత భాగస్వామ్యం పెంచడం, రాబోయే రాజకీయ కార్యాచరణకు సిద్ధమవడం వంటి అంశాలపై దృష్టి సారించారు.
ఈ పర్యటన గ్రౌండ్ లెవల్లో జనసేన పార్టీని మరింత బలోపేతం చేసే దిశగా ఎంతో ఉపయోగకరంగా నిలిచిందని మచ్చ సుధాకర్ పేర్కొన్నారు. భవిష్యత్తులో కూడా ఇలాంటి పర్యటనల ద్వారా పార్టీని ప్రజల్లోకి మరింత తీసుకెళ్లేందుకు కృషి చేస్తామని తెలిపారు.
మరిన్ని Telangana News వార్తల కోసం ఇక్కడ క్లిక్ చేయండి.
