Gaddar Jayanti: తన మాట, పాటతో ప్రజా ఉద్యమాలకు ఊపిరి పోసిన యోధుడు గద్దర్
ప్రజాకవి గద్దర్ జయంతి సందర్భంగా నివాళులు అర్పించిన కవితా కల్వకుంట్ల
హైదరాబాద్: తన మాటతో, పాటతో ప్రజా ఉద్యమాలకు ప్రాణం పోసిన యోధుడు, పీడిత వర్గాల గొంతుకగా నిలిచిన విప్లవకారుడు గద్దర్ గారు అని ఎమ్మెల్సీ కవితా కల్వకుంట్ల అన్నారు. ప్రజాకవి, ప్రముఖ కళాకారుడు, ప్రజావాగ్గేయకారుడైన గద్దర్ జయంతి సందర్భంగా ఆమె ఘన నివాళులు అర్పించారు.
ఈ సందర్భంగా కవితా కల్వకుంట్ల మాట్లాడుతూ, పాటనే అస్త్రంగా చేసుకొని ప్రజా ఉద్యమాల్లో సాంస్కృతిక విప్లవాన్ని సృష్టించిన అపూర్వ వ్యక్తిత్వం గద్దర్ అని కొనియాడారు. అణగారిన వర్గాల హక్కుల కోసం తన స్వరాన్ని ఆయుధంగా మలిచిన ఆయన, ప్రజల గుండెల్లో శాశ్వత స్థానం సంపాదించుకున్నారని పేర్కొన్నారు.
గద్దర్ పాటలు ఉద్యమాలకు ప్రేరణగా నిలిచాయని, సామాజిక అన్యాయాలపై ప్రజలను చైతన్యవంతులను చేయడంలో ఆయన పాత్ర మరువలేనిదని తెలిపారు. ప్రజల పక్షాన నిలబడి, వారి బాధలను తన గీతాల ద్వారా ప్రపంచానికి చాటిన ప్రజాకవిగా గద్దర్ ఎప్పటికీ స్మరణీయుడని అన్నారు.
మరిన్ని Telangana News వార్తల కోసం ఇక్కడ క్లిక్ చేయండి.
