Sarpanch in Ashalapalli village: ఆశలపల్లి గ్రామంలో చారిత్రాత్మక నిర్ణయం
వరంగల్ జిల్లా సంగెం మండలం ఆశలపల్లి గ్రామంలో ప్రజాస్వామ్యానికి ఆదర్శంగా నిలిచే నిర్ణయం తీసుకున్నారు. గ్రామంలో ఉన్న ఒక్క మహిళా ఎస్సీ ఓటరు (సర్పంచ్ కొంగర మల్లమ్మ) ను గ్రామ ప్రజలు సర్పంచ్గా ఏకగ్రీవంగా ఎంపిక ( Sarpanch in Ashalapalli ) village చేయడం స్థానికంగా విశేష స్పందనను రేపుతోంది.
గ్రామంలోని పెద్దలు, యువత, మహిళలు కలిసి పరస్పర సంప్రదింపులతో ఏకగ్రీవంగా ఈ నిర్ణయం తీసుకున్నారు. మహిళలకు నాయకత్వం ఇచ్చే దిశగా ఈ నిర్ణయం గ్రామంలో కొత్త మార్పులకు నాంది పలికిందని గ్రామస్తులు తెలిపారు.
గ్రామ ప్రజల ఐక్యతకు ప్రతీక
ఈ నిర్ణయం ద్వారా ఆశలపల్లి గ్రామం మహిళా సాధికారతకు, సామాజిక సమానత్వానికి నిలువుదోగింది. గ్రామంలో కుల, వర్గ, రాజకీయాలకు అతీతంగా అన్ని ఇంటింటి వారు ఒక్క గళంతో ఈ నిర్ణయం తీసుకోవడం గ్రామ ఐక్యతను ప్రతిబింబించింది.
స్థానిక పెద్దలు మాట్లాడుతూ, “మహిళలు నాయకత్వం వహిస్తే గ్రామాభివృద్ధిలో పారదర్శకత, శాంతి, శ్రేయస్సు పెరుగుతాయి” అని అభిప్రాయపడ్డారు.
కొత్త సర్పంచ్పై గ్రామం ఆశలు
ఎంపికైన మహిళా సర్పంచ్ గ్రామంలో తాగునీరు, రహదారులు, శానిటేషన్, విద్య వంటి అంశాలపై ప్రాధాన్యతతో పని చేస్తారని గ్రామస్తులు ఆశాభావం వ్యక్తం చేస్తున్నారు. ప్రభుత్వ పథకాలను అన్ని కుటుంబాలకు చేరేలా కృషి చేస్తానని ఆమె తెలిపినట్లు సమాచారం.
ఆశలపల్లి గ్రామంలో మహిళా ఎస్సీ ఓటరును సర్పంచ్గా ఏకగ్రీవంగా ఎన్నుకోవడం గ్రామ ప్రజల ప్రజాస్వామ్య చైతన్యం, సామాజిక న్యాయం, మహిళా సాధికారతకు ప్రతీకగా నిలిచింది. ఈ నిర్ణయం ఇతర గ్రామాలకు కూడా స్ఫూర్తి నింపుతుంది.
మరిన్ని warangal వార్తల కోసం ఇక్కడ క్లిక్ చేయండి.
